უნგრეთის პრემიერ-მინისტრი ვიქტორ ორბანი უნგრულ მედიასთან საუბარში კვლავ გამოეხმაურა ევროკავშირში უკრაინის გაწევრიანების თემას და აღნიშნა, რომ კიევის მხარდაჭერა ევროპას ასუსტებს.
ჟურნალისტის კითხვაზე, მისაღები იქნება თუ არა უნგრეთისთვის, რომ უკრაინა მშვიდობის უზრუნველსაყოფად ევროკავშირში გაწევრიანდეს, ორბანმა განაცხადა: „სასიხარულოდ, ამ ორ მოვლენას ერთმანეთთან კავშირი არ აქვს“.
„ევროკავშირში გაწევრიანება უსაფრთხოების გარანტია არ არის. ეს არასდროს მოხდება. უკრაინის გაწევრიანება ევროკავშირში არარეალურია. უნგრეთი მოლაპარაკებების დაწყების წინააღმდეგ აქტიურად გამოდის, არსებობენ დასავლეთ ევროპის ქვეყნები, სადაც ასეთი გადაწყვეტილების მისაღებად საჭიროა პარლამენტის თანხმობა ან რეფერენდუმი. ეს არ მოხდება“, – განაცხადა ორბანმა.
მისი თქმით, ბრიუსელის დერეფნებში ყველამ იცის და საუბრობს ამაზე, თუმცა სხდომათა დარბაზში „სუფევს იმედი“.