ინდონეზიაში, იავას პროვინციაში მეწყერის შედეგად შვიდი ადამიანი დაიღუპა, 82 კი დაკარგულად ითვლება. ინფორმაციას ამის შესახებ „როიტერი“ ავრცელებს.
ინდონეზიის კატასტროფების შემცირების სააგენტოს განცხადებით, სტიქიური უბედურება რეგიონში რამდენიმე დღის განმავლობაში მოსულმა უხვმა ნალექმა გამოიწვია.
მეწყერი დასავლეთ ბანდუნგის რეგიონში მდებარე სოფელში მოხდა.
ამასთან, ინდონეზიის მეტეოროლოგიურმა სააგენტომ მოსახლეობა ექსტრემალური ამინდის შესახებ გააფრთხილა. მათივე ცნობით, ძლიერი წვიმა კუნძულზე მომდევნო დღეების განმავლობაშიც გაგრძელდება.
კომენტარები