Politico აქვეყნებს სტატიას სახელწოდებით „5 ურთულესი სამსახური ბრიუსელში“, რომელშიც ერთ-ერთ რთულ თანამდებობად ევროკავშირის უმაღლესი წარმომადგენლის, კაია კალასის პოზიციას ასახელებს.
გამოცემა აღნიშნავს, რომ კალასის წინამორბედ ჯოზეფ ბორელს ძალიან ცუდი ურთიერთობა ჰქონდა ევროკომისიის პრეზიდენტთან, ურსულა ფონ დერ ლაიენთან, თუმცა ფონ დერ ლაიენის და კალასის ურთიერთობა უარესია.
„კალასი პირად საუბრებში ჩივის, რომ ფონ დერ ლაიენი დიქტატორია, თუმცა თავად ამის წინააღმდეგ თითქმის არაფრის გაკეთება შეუძლია“, – განაცხადა ერთ-ერთმა მაღალჩინოსანმა. კალასი ასევე წარმოადგენს პატარა ესტონეთს და მისი პარტია, „ლიბერალები“, მცირერიცხოვანია, რაც მის პოზიციას კიდევ უფრო ასუსტებს ბორელთან შედარებითაც კი“, – აღნიშნავს Politico.
კალასის ოფისს კომენტარის მოთხოვნაზე გამოცემისთვის პასუხი არ გაუცია.