აშშ-მა უფრო მეტი დათმო, ვიდრე ევროპამ, – ამის შესახებ აშშ-ის სახაზინო მდივანმა, სკოტ ბესენტმა განაცხადა.
ABC-სთან ინტერვიუს დროს ჟურნალისტმა ბესენტს ჰკითხა, – რატომ არიან ევროპელი მოკავშირეები შეშფოთებული ტრამპის კრიტიკის გამო? საუბარია ავღანეთში ნატო-ს წვლილზე გაკეთებულ განცხადებებზე.
„ვფიქრობ, პრეზიდენტი ტრამპი ორიენტირებულია რაც შეიძლება ძლიერ ნატო-ზე, რომლითაც მან რუსეთ-უკრაინის კონფლიქტის მოგვარების შესახებ მოლაპარაკებები განახორციელა. აშშ-მა უფრო მეტი დათმო, ვიდრე ევროპამ ან ევროპელებმა. ჩვენ 25-პროცენტიანი ტარიფები დავუწესეთ ინდოეთს რუსული ნავთობის შესყიდვის გამო. გამოიცანით, რა მოხდა გასულ კვირას? ევროპელებმა სავაჭრო შეთანხმება გააფორმეს ინდოეთთან. რუსული ნავთობი შედის ინდოეთში, ნავთობპროდუქტები გამოდის და ევროპელები ყიდულობენ ამ ნავთობპროდუქტებს. ისინი აფინანსებენ ომს საკუთარი თავის წინააღმდეგ“, – აღნიშნა ბესენტმა.
ცნობისთვის, აშშ-ის პრეზიდენტმა, დონალდ ტრამპმა რამდენიმე დღის წინ განაცხადა: „ჩვენ არასდროს დაგვჭირვებია ნატო-ს დახმარება, ისინი ამბობენ, რომ ავღანეთში გააგზავნეს გარკვეული რაოდენობის სამხედროები, ასეც იყო, ისინი ფრონტის ხაზიდან მოშორებით იყვნენ“.