აშშ-ის სახელმწიფო მდივანმა, მარკო რუბიომ ბუდაპეშტში ვიზიტისას მხარდაჭერა გამოუცხადა უნგრეთის პრემიერ-მინისტრ ვიქტორ ორბანის ლიდერობას.
„პირდაპირ გეტყვით“, – განაცხადა რუბიომ ორბანთან შეხვედრის შემდეგ გამართულ ერთობლივ პრესკონფერენციაზე. „პრემიერ-მინისტრსა და პრეზიდენტს ძალიან, ძალიან ახლო პერსონალური და სამუშაო ურთიერთობა აქვთ და ვფიქრობ, ეს ჩვენი ორი ქვეყნისთვის სასარგებლო აღმოჩნდა“.
„ის პიროვნული კავშირი, რომელიც თქვენ პრეზიდენტთან დაამყარეთ, გადამწყვეტი აღმოჩნდა ამ ურთიერთობების მშენებლობის პროცესში“.
„დარწმუნებით შემიძლია გითხრათ, რომ პრეზიდენტი ტრამპი ღრმად არის დაინტერესებული თქვენი წარმატებით, რადგან თქვენი წარმატება ჩვენი წარმატებაა“, – განაცხადა რუბიომ.
რუბიომ ხაზგასმით აღნიშნა, რომ აშშ და უნგრეთი ორმხრივ ურთიერთობებში „ოქროს ხანაში“ შედიან.