უნგრეთის საგარეო საქმეთა მინისტრმა, პიტერ სიიარტომ სოციალურ ქსელ X-ში ბალტიის ქვეყნები გააკრიტიკა და აღნიშნა, რომ ისინი უკრაინის პრეზიდენტის, ვოლოდიმირ ზელენსკის ნოტებზე უკრავენ.
„ლიეტუვის საგარეო საქმეთა მინისტრმა, კიასტუტის ბუდრისმა დღეს განაცხადა, რომ მას შერცხვებოდა, თუ მისი ქვეყანა იაფ რუსულ ნავთობს იყიდდა, რადგან ეს ავტონომიაზე უარის თქმა იქნებოდა. ბალტიის ქვეყნები დიდი ხანია ზელენსკის ნოტებზე უკრავენ, მაგრამ უნგრეთი უკრაინის პრეზიდენტის შანტაჟს არ დაემორჩილება. ვერავინ გვეტყვის, საიდან უნდა ვიყიდოთ, ან არ ვიყიდოთ ნავთობი და ვერავინ გვაიძულებს ვიყიდოთ ნავთობი მაღალ ფასად“, – დაწერა სიიარტომ.
მისი განცხადებით, ბევრ ევროპულ ქვეყანაში ოჯახები სამჯერ-ოთხჯერ მაღალ კომუნალურ გადასახადებს იხდიან, ვიდრე უნგრეთში.
„ჩვენ ენერგომატარებლებზე დაბალ ფასებს დავიცავთ და ჩვენი სუვერენიტეტის სადარაჯოზე ვიდგებით“, – დასძინა სიიარტომ.