ესენი არიან უკანასკნელი ნაძირლებიო, „ნაციონალურ მოძრაობაზე“ ამბობდა თავიდანვე და შეეწირა იმ უკანასკნელ ნაძირლებს, – განუცხადა „ქრონიკას“ სულიკო ასათიანის შვილმა, პაატა ასათიანმა 2011 წლის 26 მაისს, რუსთაველის გამზირზე განვითარებულ მოვლენებთან დაკავშირებით.
„ბოლო დღემდე იყო აქციაზე. ეუბნებოდა თურმე, მე ბოლომდე ვიქნები აქ და ისინი ამით ვერ შემაშინებენო. თითქოს 60 წლამდე ამოუცნობი მამაკაცის გვამი იპოვეს. საშინელ მდგომარეობაში იყო, გახრწნა ჰქონდა დაწყებული. ჩემი სახლის წინ მცხოვრები ორი ადამიანი ცუდად გახდა, შემდეგ სპეციალისტი მოვიყვანეთ, მაკიაჟი გაუკეთა. სხეულზე არცერთი ადგილი არ ჰქონდა დარჩენილი, რომ ნაცემი არ ყოფილიყო. ალბათ მარცხენა ხელით ხელი შეუბრუნა და თითები ჰქონდა ნაწამები, დატყავებული, შემდეგ იყო დამწვარი“, – აღნიშნა ასათიანმა.
2011 წლის 26 მაისს, აქციის დარბევის შემდეგ, თავისუფლების მეტროს მიმდებარე ტერიტორიაზე, ჯიხურის სახურავზე ორი მამაკაცის – სულიკო ასათიანის და ნიკა კვინტრაძის ცხედრები იპოვეს. ოფიციალური ვერსიით, ორივე მათგანი დენის დარტყმის შედეგად გარდაიცვალა.