იურიდიულ საკითხთა საპარლამენტო კომიტეტის თავმჯდომარის პირველი მოადგილე ოპოზიციური ალიანსის დაშლას აფასებს. მისი თქმით, ალიანსის დაშლის მიზეზი მისი წევრების პოლიტიკური ეგოა.
„ვხედავთ, თუ როგორ ჩამოიშალა ე.წ. ალიანსი, კვაზიალიანსი, რომელიც თავიდან დიდი ზარ-ზეიმით შექმნეს. ჩამოიშალა იმ ძალიან მარტივი მიზეზის გამო, რომ რადიკალებმა ვერ შეძლეს საკუთარი პოლიტიკური ეგოს დათრგუნვა. და რაც მთავარია, ისინი საზოგადოების წინაშე იმთავითვე წაგებულ მდგომარეობაში იყვნენ, ვინაიდან მათი მიზნები თავიდანვე ანტისახელმწიფოებრივი იყო”, – განაცხადა თორნიკე ჭეიშვილმა.
ოპოზიციური ალიანსი შექმნიდან 100 დღის შემდეგ დაიშალა. მისი წევრები ერთმანეთს ღიად დაუპირისპირდნენ.
კომენტარები