რეჯეპ ტაიპ ერდოღანმა სტამბოლში მომხდარ აფეთქებაზე პასუხისმგებლობა “ქურთისტანის მუშათა პარტიას” დააკისრა. ამის შესახებ BBC იტყობინება.
ერდოღანის თქმით, მისი ქვეყანა გააგრძელებს ბრძოლას ტერორისტების წინააღმდეგ გამარჯვებამდე. როგორც თურქეთის პრეზიდენტმა განაცხადა, მსხვილ ქალაქებში თავდასხმების განხორციელება თურქეთში აკრძალული “ქურთისტანის მუშათა პარტიის” ჩვეული ტაქტიკაა.
სტამბოლის ცენტრში, ტურისტებში პოპულარულ ბაიაზიტის რაიონში მომხდარ აფეთქებას 11 ადამიანი ემსხვერპლა, დაშავავებულია 36 ადამიანი. გარდაცვლილთა შორის შვიდი სამართალდამცველი და ოთხი მშვიდობიანი მცხოვრებია. დანაღმული მანქანა მაშინ აფეთქდა, როდესაც გაჩერებას პოლიციის ავტობუსი მიუახლოვდა.
კომენტარები