17 ივნისს, ესტონეთის რიიგიკოგუს (პარლამენტის) მიერ გავრცელებული ინფორმაციის თანახმად, ქვეყნის უმაღლესი საკანონმდებლო ორგანოს წევრები 2 სექტემბერს ახალი სახელმწიფოს მეთაურის ასარჩევად შეიკრიბებიან.
მოქმედი პრეზიდენტის, ალარ კარისის წინადადების საფუძველზე, რიიგიკოგუს სპიკერმა, ლაური ჰუსარმა რიგგარეშე სხდომა სახელმწიფოს ახალი მეთაურის ასარჩევად სექტემბრის პირველ სამშაბათს მოიწვია.
რიიგიკოგუს განცხადების თანახმად, სხდომა 12:00 საათზე დაიწყება.
ესტონეთის პრეზიდენტს ხალხი პირდაპირი კენჭისყრით არ ირჩევს – ამ ფუნქციას ქვეყნის პარლამენტი ასრულებს. ბოლო ორმა პრეზიდენტმა საკმარისი მხარდაჭერის მოპოვება მხოლოდ კენჭისყრის რამდენიმე ტურის შემდეგ შეძლო.
პრეზიდენტობის კანდიდატთა ვინაობა ჯერჯერობით უცნობია. მათი წარდგენა ზაფხულის ბოლოს მოხდება. ამ დროისთვის მხოლოდ „ესტონეთის კონსერვატიული სახალხო პარტიის“ (EKRE) წარმომადგენელმა, ყოფილმა შინაგან საქმეთა მინისტრმა, მარტ ჰელმემ დაადასტურა, რომ საპრეზიდენტო არჩევნებში მონაწილეობას აპირებს.
რაც შეეხება მოქმედ პრეზიდენტ კარისს, ის სავარაუდოდ 24 ივნისს განაცხადებს საჯაროდ, იყრის თუ არა კენჭს მეორე ვადით.
ამ დროისთვის, ცენტრისტულმა პარტია არისის თანამდებობაზე დარჩენას ემხრობა, თუმცა სახელისუფლებო კოალიციაში შემავალ „რეფორმების პარტიისა“ და პარტია „ესტონეთი 200“-ის (Eesti 200) წარმომადგენლებს შორის მისი მხარდაჭერის მაჩვენებელი დაბალია.
https://news.err.ee/1610057356/estonia-s-parliament-to-vote-for-new-president-on-september-2