პარლამენტში არაერთი მნიშვნელოვანი განხილვა გვქონდა და „ნაციონალური მოძრაობა“ ერთ-ერთი აქტიური მოწინააღმდეგე იყო ოჯახური ღირებულებების. სულელი არავინ არის, ხაბეიშვილის ნამდვილად არავის სჯერა, – ამის შესახებ პარლამენტის ვიცე-სპიკერმა, ნინო წილოსანმა განაცხადა.
წილოსანს „ნაციონალური მოძრაობის“ პოლიტსაბჭოს თავმჯდომარის, ლევან ხაბეიშვილის წერილზე დაუსვეს კითხვა.
„არ შეიძლება, ლევან ხაბეიშვილის მოსაზრებას ჩვენთან რაიმე კავშირი ჰქონდეს. ეს ადამიანი განსაკუთრებით გამოირჩევა უგუნური ქმედებებით. მის ერთ „პოსტში“ კარგად ჩანს, რომ ურთიერთსაწინააღმდეგო ფაქტებზე საუბრობს. თავად ამბობს, „ქალი ქალია, კაცი კაცია“, თუმცა ასევე ამბობს, რომ ევროკავშირი ერთნაირსქესიანთა ქორწინებას არ გვთხოვსო. მისი პირველივე წინადადებიდან მიხვდებით, რამდენ ტყუილს მოიცავს. ქალი რომ ქალია, კაცი – კაცი და ოჯახი რომ ქალისა და კაცის ერთობაა, მათი მხრიდან ამ პრინციპებს არანაირი მხარდაჭერა არ უნახავს. პარლამენტში არაერთი მნიშვნელოვანი განხილვა გვქონდა და „ნაციონალური მოძრაობა“ ერთ-ერთი აქტიური მოწინააღმდეგე იყო ოჯახური ღირებულებების. ეს ადამიანები უცხოეთში პატრონებს აზიზღებდნენ ქართველ ხალხს, რომლებმაც ოჯახური ღირებულებები ავირჩიეთ. მათთვის ეკლესიაც და ოჯახიც ის სოციალური და რელიგიური ნორმაა, რომელსაც პირდაპირ უნდა ებრძოლონ. ამ ქვეყანაში სულელი არავინ არის, ხაბეიშვილის ნამდვილად არავის სჯერა“, – განაცხადა ნინო წილოსანმა.