ბრიტანეთის პრემიერ-მინისტრის გადადგომას გერმანიის ყველაზე მაღალრეიტინგული პარტია „ალტერნატივა გერმანიისთვის“ გამოეხმაურა. პარტიის სოციალური ქსელის ანგარიშზე დაწერეს, რომ კირ სტარმერი, დრამატულად დაბალი რეიტინგის ფონზე გადადგა.
„დიდი ბრიტანეთის პრემიერ-მინისტრი კირ სტარმერი, რეიტინგების დრამატული ვარდნის ფონზე, ზაფხულის მიწურულს გადადგომის შესახებ აცხადებს. ვინც საკუთარი ხალხის ინტერესებს უგულებელყოფს, საბოლოოდ ყოველთვის მარცხდება. როდის გამოიტანს, ბოლოს და ბოლოს, გერმანიის პოლიტიკური ელიტაც იგივე დასკვნებს?“, – აღნიშნულია პარტიის მიერ გავრცელებულ განცხადებაში.
„ალტერნატივა გერმანიისთვის“ შეფასებით, ყველა ლიდერი, რომელიც საკუთარი ხალხის ინტერესებს ყურადღებას არ აქცევს, საბოლოოდ, კრახით ასრულებს. მემარჯვენე პარტია აღნიშნავს, რომ დროა გერმანიის კანცლერმა ფრიდრიხ მერცმა კირ სტარმერს მიბაძოს.
დიდი ბრიტანეთის პრემიერ-მინისტრმა გადადგომის შესახებ განაცხადა. მან მოსახლეობას პრემიერის რეზიდენციის წინ გამართულ ბრიფინგზე მიმართა და აღნიშნა, რომ „ლეიბორისტული პარტიის“ ლიდერის პოსტსაც ტოვებს.