განო მელითაური ფეისბუკზე იმ ფსიქოლოგიური ტერორის შესახებ საუბრობს, რომელიც მის მიმართ ხორციელდება. როგორც განო მელითაური წერს გარკვეული პირები მას უკავშირდებიან და კოტე თოლორდავაზე სხვადასხვა ინფორმაციას აწვდიან, თითქოს ის არ გარდაცვლილა და ცოცხალია:
„ყველა, ვინც კოტე თოლორდავაზე, რომელიც მთელმა საქართველომ დაიტირა, მირეკავს როგორც ცოცხალზე, მიყვება როგორ დაინახა ქუჩაში, ან რომ მასთან საუბარი უნდა და სასწრაფოდ დავალაპარაკო, რომ ონლაინ კრედიტი ქონდა და მე ვმალავ და არ ვალაპარაკებ, რომ ქონდა ხილვა და ნამდვილად ცოცხალია, ყველა, როგორც ერთი ხართ არაადამიანები!!!!
წარმოდგენა არ გაქვთ ადამიანურ ღირებულებებზე, განსაცდელზე, რომელშიც ჩვენი ოჯახი იმყოფება, დანაკარგზე რომელსაც სამყაროში ვერაფერი აგვინაზღაურებს და ტკივილებზე , რომელსაც ყოველდღიურად განვიცდით!
შეწყვიტეთ! რადგან თითოეული ასეთი ზარის შემდეგ დემორალიზებული და განადგურებული ვარ და მთელი თერთმეტთვიანი ძალისხმევა, რომ ცხოვრების გაგრძელება შევძლო წყალში იყრება!“- წერს განო მელითაური ფეისბუკზე.