ირანის ავიახაზების ფრენები აზერბაიჯანში დღეიდან შეწყდა.
„ირანის ისლამური რესპუბლიკის წინააღმდეგ აშშ-ის მიერ დაწესებული სანქციების ახალი პაკეტის გამო, კერძოდ, საავიაციო სექტორის მიმართ, მიღებულ იქნა გადაწყვეტილება 2026 წლის 22 სექტემბრიდან, ირანის ავიახაზების მიერ აზერბაიჯანის მიმართულებით ფრენების შეჩერების შესახებ“, – ნათქვამია აზერბაიჯანის ავიახაზების მიერ გავრცელებულ განცხადებაში.
აშშ-ის ფინანსთა სამინისტრომ ირანის საავიაციო სექტორის წინააღმდეგ სანქციების ახალი, ფართომასშტაბიანი პაკეტი 2026 წლის სექტემბერში მიიღო, რის შედეგადაც შეზღუდვები თითქმის ყველა მოქმედ ირანულ ავიაკომპანიაზე გავრცელდა.
ახალი რეგულაციით, 23 სექტემბრიდან ამოქმედდა მკაცრი მეორადი სანქციებიც: ნებისმიერი უცხოური აეროპორტი, თუ კომპანია, რომელიც ირანულ საჰაერო ხომალდებს საწვავით, ტექნიკური სერვისით ან სადისპეტჩერო მომსახურებით უზრუნველყოფს, აშშ-ის დოლარში განხორციელებული გლობალური ფინანსური სისტემიდან გაითიშება. სწორედ ამ რისკების გამო, რეგიონის ქვეყნები ირანული ავიახაზების მიღებას წყვეტენ.