22 ივლისს, სახალხო დღესასწაული „ჩუდურაულობა“ ხულოს რაიონ სოფელ მეკეიძეების მოიალაღეებმა და სტუმრებმა, წელს უკვე მეჩვიდმეტედ იზეიმეს. მდინარე ჩუდურაულის წყაროს მარჯვენა ფერდობზე მოწყობილ სცენასთან ზეიმზე დასასწრებად მრავალი ღორჯომელი და ამოსული სტუმარი იყო.
შეკრებილებს ტრადიციული დღესასწაული მიულოცეს ხულოს მუნიციპალიტეტის გამგებელმა ბესიკ ბაუჩაძემ, საკრებულოს თავმჯდომარე ჯამბულ ხოზრევანიძემ, მაჟორიტარმა დეპუტატმა ანზორ ბოლქვაძემ, გამგეობისა და საკრებულოს წარმომადგენლებმა.
ჩატარდა კონცერტი, სადაც წარმოდგენილი იყო ქორეოგრაფიული ცეკვები და სიმღერები, პარალელურად მიმდინარეობდა სპორტული ღონისძიებები ფრენბურთსა და ჭიდაობაში, გაიმართა დოღი.
გამარჯვებულებს ხულოს მუნიციპალიტეტის გამგეობის მიერ დაწესებული თასები, მედლები და სიგელები გადაეცათ.
ზეიმის შემდეგ მოიალაღეებმა სტუმრებს ნაციონალური კერძებით გაუმასპინძლდნენ.