საქართველოში ამერიკის შეერთებული შტატების ელჩი დღეს მარნეულის რაიონს სტუმრობს. იან კელი უკვე შეხვდა მარნეულის გამგებელსა და საკრებულოს თავმჯდომარეს. შეხვედრა დახურულ კარს მიღმა მიმდინარეობდა. დღესვე იან კელი მარნეულში USAID-ის მიერ დაფინანსებულ პროექტებს მოინახულებს და რამდენიმე სოფელს ეწვევა.
ასევე დაგეგმილია შეხვედრა ადგილობრივი ტელევიზიის წარმომადგენლებთან და მარნეულის ტელეკომპანიის მონახულება.
“დიდი ხანია მინდა ამ რეგიონში ჩამოსვლა, მაგრამ ვერ მოვახერხე. ჩვენთვის ძალიან მნიშვნელოვანია ეს რეგიონი და ვაცნობიერებთ მის მნიშვნელობას. სწორედ ამის მაგალითი არის ის ინვესტიციები, რომელიც განხორციელდა USAID-ის დახმარებით. ასევე, გავეცით გრანტები ადგილობრივი მედია-საშუალებების განვითარებასთვის. კიდევ ერთხელ ვიტყვი, რომ ამ რეგიონის წარმატება არის ძალიან მნიშვნელოვანი გამომდინარე იმ ფაქტორიდან, რომ ზუსტად ამ რეგიონში სამხრეთ კავკასიის სამი ძირითადი ეროვნების წარმომადგენლები თანაცხოვრობენ“, – განაცხადა აშშ-ის ელჩმა.