აზერბაიჯანის პრეზიდენტმა, ილჰამ ალიევმა აზერბაიჯანიდან საქართველოსთვის ბუნებრივი აირის მიწოდების შესახებ შეთანხმება დაამტკიცა.
საუბარია „აზერბაიჯანის რესპუბლიკის მთავრობასა და საქართველოს მთავრობას შორის საქართველოსთვის ბუნებრივი აირის მიწოდების შესახებ შეთანხმებაზე“, რომელსაც 18 მაისს ბაქოში მოეწერა ხელი.
ბრძანების თანახმად, შეთანხმების ძალაში შესვლის შემდეგ აზერბაიჯანის რესპუბლიკის ეკონომიკის სამინისტრომ უნდა უზრუნველყოს მისი დებულებების შესრულება.
აზერბაიჯანის რესპუბლიკის საგარეო საქმეთა სამინისტროს დაევალა, აცნობოს საქართველოს მთავრობას შეთანხმების ძალაში შესვლისთვის აუცილებელი შიდასახელმწიფოებრივი პროცედურების დასრულების შესახებ.
კომენტარები