ანალიტიკოსმა, ირაკლი გოგავამ „დღის ქრონიკაში“ ისაუბრა ეუთო-ს საპარლამენტო ასამბლეის დეკლარაციაზე, სადაც არის საქართველოს შესახებ ჩანაწერი, რომელიც ჯო უილსონმა მოამზადა.
გოგავას თქმით, ჯო უილსონი საქართველოს თემით პოლიტიკური ქულების დაგროვებას ცდილობს.
„თავიდან, ჯო უილსონი იყო ენთუზიაზსი, რომელიც ლობირება „ნაციონალურ მოძრაობას“ და მის ნამსხვრევებს, ამაში ის გასამრჯელოსაც იღებდა.
ჯო უილსონი ასევე არის ვირჯინიის ლიდერთა სკოლის კურსდამთავრებული, ეს არის სკოლა კონსერვატორი პოლიტიკოსებისთვის, რომელიც ამზადებს ნომენკლატურას, ანუ ის სისტემის ნაწილია და როგორც ჩანს, რადგან პირველ ფაზაში იაქტიურა საქართველოს წინააღმდეგ, მას მისცეს როლი, რომ იყოს ბოროტი, ეს თამაშის ნაწილია, ასეთი თამაშები მოსულა საერთაშორისო პოლიტიკაში. ახლა უილსონი თავის როლშია შესული და საქართველოს თემით პოლიტიკური ქულების დაგროვებას ცდილობს“, – აღნიშნა გოგავამ.
ეუთო-ს საპარლამენტო ასამბლეამ 8 ივლისს მიიღო ამერიკელი კონგრესმენის ჯო უილსონის მიერ საქართველოს შესახებ მომზადებული კრიტიკული რეზოლუცია.