დაბა ჩაქვში, სოფელ ჩაისუბანში საცხოვრებელი სახლის კედელი ჩამოინგრა, შედეგად სამი ადამიანი დაშავდა, მათ შორის ერთი მცირეწლოვანია. ისინი სასწრაფო-სამედიცინო დახმარების ბრიგადამ ბათუმის რეფერალურ საავადმყოფოში გადაიყვანა.
დაშავებულების სიცოცხლეს საფრთხე არ ემუქრება. მეზობლების ვარაუდით, სახლი სიძველის გამო ჩამოინგრა.
შემთხვევის ადგილზე სამაშველო სამსახურის თანამშრომლები იყვნენ მობილიზებულნი. უწყების ინფორმაციით, ნანგრევებში მოყოლილი ადამიანების ამოყვანას 15 მაშველი-მეხანძრე ცდილობდა.
საქართველოს შინაგან საქმეთა სამინისტროს ცნობით, ფაქტზე გამოძიება სსკ 188-ე მუხლით დაიწყო, რაც გაუფრთხილებლობით ნივთის დაზიანებას ან განადგურებას გულისხმობს.
კომენტარები