ბრიუსელის განცხადებით, გაყინულ რუსულ აქტივებზე დარიცხული პროცენტებიდან 1,4 მილიარდი ევრო ევროკავშირმა უკრაინას გადასცა. თანხა კიევს 3 აგვისტოს გადაერიცხა.
ევროკომისიის ცნობით, გაყინულ რუსულ აქტივებზე დარიცხული პროცენტებით მიღებულ სახსრებს ევროკავშირი უკრაინის დახმარებისათვის გამოიყენებს.
„რუსეთმა მის მიერ უკრაინისთვის მიყენებული ზიანი უნდა აანაზღაუროს. გაყინული რუსული აქტივებიდან მიღებულ შემოსავლებს ჩვენ სწორედ იმის უზრუნველსაყოფად ვიყენებთ, რომ მოსკოვმა ეს ვალდებულება შეასრულოს,“ – აცხადებს ევროპული კომისიის პრეზიდენტი, ურსულა ფონ დერ ლაიენი.
ბრიუსელის ეს გადაწყვეტილება ჯერ კიდევ აპრილში გამოცხადდა.
ასეთი ტრანშის გამოყოფა უკვე მეოთხედ განხორციელდა. წინა, მესამე ტრანში უკრაინამ გასული წლის აგვისტოში მიიღო. თანხები რუსულ აქტივებზე დარიცხული საპროცენტო შემოსავლიდან გაიცემა. აღნიშნული აქტივები ევროკავშირმა უკრაინის წინააღმდეგ რუსეთის აგრესიის საპასუხოდ დაწესებული სანქციების ფარგლებში გაყინა. მიუხედავად იმისა, რომ თავად აქტივები კვლავ გაყინულია, მათზე დარიცხული საპროცენტო შემოსავალი რუსეთს არ ეკუთვნის. ევროპული კომისიის წინადადებით, მოხდა შეთანხმება, რომ ეს თანხები უკრაინის მხარდასაჭერად იქნება გამოყენებული.
https://bntnews.bg/news/es-predostavya-14-mlrd-evro-lihvi-na-ukraina-ot-zamrazenite-ruski-aktivi-1406555news.html