მთავრობის წევრები წინასაარჩევნო კამპანიაში ჩართვას აპირებენ

საქართველოს მთავრობის წევრები 2016 წლის საპარლამენტო არჩევნებისთვის, წინასაარჩევნო კამპანიაში ჩართვას აპირებენ.
როგორც ჯანდაცვის მინისტრმა, დავით სერგეენკომ ჟურნალისტებს განუცხადა, წინასაარჩევნო კამპანიაში ჩართვას აპირებს.
„დადგენილი წესის მიხედვით, როცა ჩართული ვიქნები საარჩევნო კამპანიაში, აუცილებლად ავიღებ შვებულებას”, – განაცხადა დავით სერგეენკომ.
ვიცე-პრემიერის, ეკონომიკის მინისტრ დიმიტრი ქუმსიშვილის განცხადებით, წინასაარჩევნო კამპანიაში კანონდებლობის გათვალისწინებით ჩაერთვება.
“მე ჩემს გუნდში ვარ აქტიური, ვიყავი და ვიქნები წინასაარჩევნო პერიოდშიც”, – განაცხადა დიმიტრი ქუმსიშვილმა.
რაც შეეხება წინასაარჩევნო რესურსის გამოყენების ბრალდებებს, რომლებზეც ოპოზიციური პარტიების წარმომადგენლები საუბრობენ, დავით სერგეენკოს განმარტებით, მთავრობის წევრები ადმინისტრაციული რესურსის გამოყენებას არ აპირებენ.
დიმიტრი ქუმსიშვილის თქმით კი, არსებობს ბევრი მექანიზმი, რომელიც იძლევა შესაძლებლობას, რომ მსგავსი ფაქტები გადამოწმდეს.
„არ ვიყენებთ არანაირ ადმინისტრაციულ რესურსს. საქართველოში შექმნილია ბევრი მექანიზმი, რომელიც იძლევა შესაძლებლობას, რომ აღნიშნული ფაქტები იყოს გადამოწმებული”, – განაცხადა ეკონომიკის მინისტრმა დიმიტრი ქუმსიშვილმა.