არ გეთანხმებით, რომ უკრაინაში აიკრძალა პრორუსული პარტიები, სინამდვილეში ეს არის არასწორი ხედვა იმისა, თუ რა არის სახელმწიფო და ეროვნული ინტერესები, – განაცხადა გადაცემაში „ღია ეთერი” საქართველოს პარლამენტის თავმჯდომარემ, პარტია „ქართული ოცნების“ პოლიტიკურმა მდივანმა, შალვა პაპუაშვილმა მოძრაობა „ქართული რესპუბლიკის“ წარმომადგენლის, ლევან ნიშნიანიძის კითხვაზე პასუხად.
პაპუაშვილის თქმით, უკრაინაში პარტიები აიკრძალნენ არა პრორუსულობისთვის, არამედ ანტიუკრაონულობისთვის.
„ანტიქართულობისთვის შეიძლება აიკრძალოს პარტია. არც პრორუსულობაა ანტიკონსტიტუციური, არც პროამერიკულობა, „ანტი“ – როცა შენი ქვეყნის წინააღმდეგ არის ის, არის ანტიკონსტიტუციური. თუ რამე „პრო“ არის, არის ქართული და არსებობს ანტიქართული. თუ პარტია თავისი არსით ანტიქართულია, მაშინ მას პროევროპულობა არ შველის”, – განაცხადა პაპუაშვილმა.