მიხეილ სააკაშვილი ომობდა რუსეთთან და 2012 წელს გააუქმა სავიზო რეჟიმი, პატიჟებდა გულწრფელად ბიზნესმენებს, რუს ტურისტებს. „ოცნებას“ რომ თითებზე უთვლიან რუს ტურისტებს. ჩელიაბინსკში ვართ ახლა?! – განაცხადა „იმედის“ პროდიუსერმა და ჟურნალისტმა სოფო ნიკოლაიშვილმა გადაცემაში „იმედი LIVE“.
„[რადიკალური ოპოზიციის წარმომადგენლები] ჩაბმულნი არიან პროპაგანდაში, რომელიც აბსოლუტურ ტყუილზეა აგებული. „იმედს“ გვეძახიან „ნადეჟდას“, „ქართულ ოცნებას“ რუსეთის ხელისუფლებას. უკაცრავად და 2012 წელს ვინ გააუქმა ცალმხრივად სავიზო მიმოსვლა რუსეთთან?! მიხეილ სააკაშვილი ომობდა რუსეთთან და 2012 წელს გააუქმა სავიზო რეჟიმი, პატიჟებდა გულწრფელად ბიზნესმენებს, რუს ტურისტებს. „ოცნებას“ რომ თითებზე უთვლიან რუს ტურისტებს, ჩელიაბინსკში ვართ ახლა?! რატომ არ ვართ?!
რომელმა ერთმა წაიკითხა და შეადარა გამჭვირვალობის კანონი ან ამერიკულს, ან სხვა ქვეყნებისას? – არავინ! დაარქვეს პირდაპირ „რუსული კანონი“. გარკვეულწილად, ეს პროპაგანდისტული ბრძოლა მოიგეს, რომ აქციები და ამდენი გადატრიალების მცდელობა შეძლეს. საბედნიეროდ, აქეთაც არ დახვდათ სუსტი [მხარე], არც „იმედი“. სიამაყით მინდა ვთქვა, „იმედი“ მათ ორ სიტყვაში ორ ტყუილს ამხელს ყოველდღიურად. ჩვენ არ ვართ პროპაგანდისტები. ჩვენ უბრალოდ თქვენს [ოპოზიციის] ტყუილებს ვამხელთ და ძალიან საამაყო მისიაა ეს“, – აღნიშნა ნიკოლაიშვილმა.