“პატრიოტთა ალიანსის“ გენერალური მდივანი, პარლამენტის თავმჯდომარის მოადგილე ირმა ინაშვილი ფეისბუქის საკუთარ გვერდზე ემოციურ პოსტს აქვეყნებს.
“ლალი ხუციშვილი… ჩემი მეგობარი. ჩვენი კოლეგა. ცოცხალი რომ ყოფილიყო, კიდევ ერთი წელი შეემატებოდა, მაგრამ წავიდა… დაღლილი წავიდა. ახალგაზრდა წავიდა. გულნატკენი წავიდა. ვერ ნახა ის საქართველო, რომელზეც ოცნებობდა.
სულ მგონია, რომ რაღაცა დავაკელი. არა მატერიალური, არამედ სულიერი. არასდროს მქონდა დრო, რომ მადლობა მეთქვა მისი საოცარი ერთგულებისა და თავდადებისათვის ჩემს მიმართ, ჩვენი საერთო საქმის მიმართ…
2015-ის შიშილობის ყინვიან ღამეებში ჩვენი მოვლისა და ჩვენზე ზრუნვის გამო… და ახლა გამოვხატავ ამ მადლიერებას. ერთხელ მკითხა, – რა ვთხოვო ღმერთს, ყველაფერს მისრულებს, არ მტოვებსო. მე ვუთხარი: სთხოვე, სიბრძნე მოგცეს, რომ ადამიანები სწორად შეიცნო-თქო… ამ გადასახედიდან ეს რჩევა მე უფრო მჭირდებოდა და მჭირდება, ვიდრე ლალის”, – წერს ირმა ინაშვილი.