თბილისში, ყაზბეგის ქუჩაზე, 25 წლის ახალგაზრდა, რომელიც ნარკოტიკული თრობის ქვეშ იმყოფებოდა და ზედოზირების გამო შველას ითხოვდა, გამვლელებმა გადაარჩინეს.
კაცი შეუძლოდ გახდა, რის შემდეგაც რიგით გამვლელებს უთხრა, რომ ნარკოტიკის ზედმეტი დოზა ჰქონდა მიღებული.
“როგორც კი ეგ ფრაზა მითხრა, უკვე საუბარიც აღარ შეეძლო, თვალები გადაიტანა და პირი დააღო. სასწრაფოს დავურეკეთ და მალევე მოვიდა, მაგრამ მანამდე რიგითმა გამვლელებმა ხელები და ყურები დავუმუშავეთ და ნიშადურით მოვასულიერეთ”, – უთხრა “პირველს” თვითმხილველმა ნუნუ ჯავახიშვილმა.
მოქალაქეს ჯიბეში ტელეფონი ჰქონდა, რიგითმა გამვლელებმა აღნიშნული ტელეფონიდან მის დედას დაურეკეს, რის შემდეგაც კლინიკაში გადაიყვანეს.
ამ ეტაპზე მისი ჯანმრთელობის მდგომარეობა “პირველისთვის” უცნობია. დეტალების დაზუსტებისთანავე გავრცელდება შესაბამისი ინფორმაცია.
“პირველი”