საქართველოს პრემიერ-მინისტრი გიორგი კვირიკაშვილი ქართველი სოპრანოს, ცისანა ტატიშვილის გარდაცვალების გამო ღრმა მწუხარებას გამოთქვამს.
”ღრმა მწუხარებას გამოვთქვამ დიდი ქართველი სოპრანოს ცისანა ტატიშვილის გარდაცვალების გამო.
ცისანა ტატიშვილის შემოქმედება ქართული მუსიკალური ტრადიციების ღირსეული გაგრძელება იყო, მისი დახვეწილი საშემსრულებლო მანერა აღაფრთოვანებდა არა მარტო ქართველ მსმენელს, არამედ უცხოეთშიც მრავლად ჰყავდა თაყვანისმცემლები.
ვუსამძიმრებ ოჯახს, ახლობლებსა და მეგობრებს, მისი შემოქმედების თაყვანისმცემლებს”, – ნათქვამია პრემიერის განცხადებაში.
ცისანა ტატიშვილი 80 წლის ასაკში გარდაიცვალა.
კომენტარები