“საზოგადოებრივი მაუწყებლის” შენობასთან მაღალი სიჩქარით მოძრავი ავტომობილი, რომელიც ტროტუარზე გამვლელ გოგოს ეჯახებოდა, სწრაფი მანევრირების შემდეგ რამდენიმე მანქანას დაეჯახა. მძღოლი მანქანით შემთხვევის ადგილიდან მიიმალა, – ამის შესახებ ჟურნალისტი მაკა რაზმაძე ფეისბუქის საკუთარ გვერდზე წერს.
თვითმხილველების თქმით, მაღალი სიჩქარით მოძრავ ავტომობილს ფეხით მოქალე მისდევდა.
“საზოგადოებრივ მაუწყებელთან, უცებ გამოვარდა ჯიპი, რომელსაც ფეხით მოსდევდა კაცი. ამ ჯიპმა გადაუარა ტროტუარზე ბუჩქებს და კინაღამ გოგოც გაიტანა. მერე მიასკდა მანქანებს, გადაჭრა ქუჩა დალეწა რამდენიმე მანქანა. შემდეგ ვაკის მიმართულებით წავიდა. ჩვენ სასწაულად გადავრჩით”, – წერს ჟურნალისტი მაკა რაზმაძე.
კომენტარები