„ეთნოსთაშორის თანამშრომლობისა და კონსულტაციების ანალიტიკური ცენტრის“ ხელმძღვანელი აგიტ მირზოევი აცხადებს, რომ დედაქალაქის მერობის კანდიდატებს ძირითადად არ აქვთ ეთნიკური უმცირესობების და კულტურული მრავალფეროვნების კუთხით პროგრამა.
შესაბამისი განცხადება მან პორტალ „კვირას“ პრესკლუბში გამართულ პრესკონფერენციაზე გააკეთა.
„ჩვენ ვხვდებოდით თბილისის მერობის სხვადასხვა კანდიდატებს, ტენდენცია ასეთია: პარტიებს არ აქვთ მკაფიო პროგრამა ეთნიკური უმცირესობების და კულტურული მრავალფეროვნების თვალსაზრისით, პოლიტიკურად უმცირესობათა მონაწილეობის და მათი ინტეგრაციის კუთხით, შეხვედრის დრო ჩანდა, რომ ძალიან ზედაპირულად იცნობენ კანდიდატები აღნიშნულ საკითხებს, რაც სამწუხაროა“, -აღნიშნა აგიტ მირზოევმა.
მისი თქმით, ერთადერთი კანდიდატი აღმოჩნდა კახა კალაძე, რომლის შტაბშიც განაცხადეს, რომ მათ თავიანთი პროგრამა აქვთ ეთნიკური უმცირესობების ჯგუფებთან შესახვედრად.
მირზოვის თქმით, ისინი მართლაც ხვდებოდნენ ეთნიკური უმცირესობების წარმომადგენლებს – ინდივიდუალურად თითოეულ ჯგუფს, რაც უფრო ეფექტური ფორმატი იყო.
“მხოლოდ კახა კალაძის შტაბში განაცხადეს, რომ მხოლოდ მათ აქვთ პროგრამა ეთნიკური უმცირესობების ჯგუფებთან შესახვედრად“
2017/10/20 13:41:50
ნანახია: 1419 ჯერ