რატომ უსწრებთ მოვლენებს წინ და რატომ გგონიათ, რომ სტრასბურგის სასამართლო მაინც და მაინც ”რუსთავი2”-ის სასარგებლოდ მიიღებს გადაწყვეტილებას? – აღნიშნული კითხვით ადამიანის უფლებათა დაცვის კომიტეტის თავმჯდომარემ სოფო კილაძემ უმცირესობის წევრ სერგო რატიანს პარლამენტის პლენარულ სხდომაზე მიმართა.
”ძალიან გთხოვთ, ნუ შეგყავთ საზოგადოება შეცდომაში. სტრასბურგის სასამართლოს ჯერ საბოლოო გადაწყვეტილება არ მიუღია. რატომ უსწრებთ მოვლენებს წინ და რატომ გგონიათ, რომ სტრასბურგის სასამართლო მაინც და მაინც ”რუსთავი2”-ის სასარგებლოდ მიიღებს გადაწყვეტილებას? სხვაგვარად, მეორე მხარის სასარგებლოდ რომ მიიღოს გადაწყვეტილება, მაშინ რას იტყვით, ძალიან მაინტერესებს – იმას იტყვით, რომ სტრასბურგის სასამართლოზე მოახდინეს ზეწოლა?! ჩვენს ქვეყნაში ვამკვიდრებთ სასამართლოს, რომელიც კანონს და კანონის უზენაესობას შეესაბამება და არა ისე, როგორც თქვენს დროს იყო”, – მიმართა რატიანს სოფო კილაძემ.