მერიის უსაფრთხოების სამსახურის უფროსი ნიკოლოზ ჭონქაძე უარტყოფს ბრალდებებს, რომ ის არის ჰომოფობი, ფაშისტი და მოძალადე, როგორც ამას ოპოზიცია აცხადებს.
საკრებულოს სხდომის დასრულების შემდეგ მან ჟურნალისტებს განუცხადა, რომ არცერთი ფაქტი არ არსებობს იმისა, რომ ის ვინმეზე ძალადბდეს ან ფიზიკურ შეურაცხყოფას აყენებდა. აქედან გამომდინარე, ის აცხადებს, რომ ოპოზიციამ ამ ბრალდებებს გარკვეული პოლიტიკური მიზნებისთვის იყენებს.
“მე ამაყი ვარ იმით, რომ დღეს საღმა აზრმა გაიმარჯვა და ის ბრალდებები, რაც ჩემს წინაშე იქნა გამოთქმული, არ გაიზიარა საზოგადოებამ. ეს ყველაფერი იყო ფარსი და ტყუილი, ეს იყო ჩემი შეურაცხყოფა. მე სამი დღის მანძილზე ვითმენდი ამ შეურაცხყოფებს, აქედან გამოირიცხება ის, რომ მე ვარ აგრესიული ადამიანი. ბრალდებებს მიყენებდნენ ადამიანები, რომლებიც საერთოდ არ მიცნობდნენ, წარმოდგენა არ აქვთ ჩემს პიროვნებაზე, არ იციან ჩემი ცხოვრების სტილი და არანაირი ურთიერთობა არ ჰქონიათ ჩემთან. ისინი ამ ბრალდებებს ფანტაზიით და მხატრვეული გაფორმებით აკეთებდნენ პოლიტიკური მიზნების გამო. ამ მშეურაცხყოფას ისმენდა ჩემი ოჯახი, ჩემი მეგობრები, ეს ხდებოდა არა პრივატული სივრცეში, არამედ საჯარო სივრცეში და ტელევიზიით. მე ამ ბრალდებებს არ ვიზიარებ, უარვყოფ რომ ვარ ჰომოფობი, ფაშისტი და მოძალადე. ვერცერთ ფაქტს ვერავინ მომიყვანს, ჩემი ცხოვრების მანძილზე ვინმეზე ძალა გამომეყენებინა ან ფიზიკური შეურაცხყოფა მიმეყენენინოს, აქედან გამომდინარე ეს არის ტყუილი ბრალდებები”,- განაცხადა ჭონქაძემ.