საქართველოს პრემიერ-მინისტრი გიორგი კვირიკაშვილი იაპონიის ახალ ელჩს საქართველოში ტადაჰარუ უეჰარას შეხვდა.
საქართველოს პრემიერ-მინისტრმა იაპონიის ელჩს დეტალურად გააცნო ქვეყანაში არსებული საინვესტიციო გარემო და სხვადასხვა სფეროში განხორციელებული თუ მიმდინარე რეფორმები.
”გამოითქვა სურვილი, იაპონია კიდევ უფრო მეტად იყოს წარმოდგენილი საქართველოში, კერძოდ გაიზარდოს იაპონური კომპანიების რაოდენობა და განვითარდეს ბიზნესურთიერთობები”, – აცხადებენ ადმინისტრაციაში.
იაპონიის ელჩმა დადებითად შეაფასა საქართველოს მიერ მიღწეული პროგრესი და ქვეყანაში არსებული გარემო.
ტადაჰარუ უეჰარამ გამოთქვა დაინტერესება, ხელი შეუწყოს საქართველოში მეტი იაპონური კომპანიის მოზიდვას, ორმხრივი თანამშრომლობის გააქტიურებას და ეკონომიკური კავშირების გაღრმავებას.
საქართველოს პრემიერ-მინისტრმა იაპონიას მადლობა გადაუხადა მტკიცე და აქტიური მხარდაჭერისთვის ისეთ პრიორიტეტულ და მნიშვნელოვან საკითხში, როგორიცაა ქვეყნის სუვერენიტეტი და ტერიტორიული მთლიანობა.
გიორგი კვირიკაშვილმა საქართველოს მთავრობის სახელით დაადასტურა სრული მზადყოფნა, მაქსიმალურად შეუწყოს ხელი იაპონიასთან ორმხრივი ურთიერთობების შემგომ განვითარებას.
შეხვედრას საქართველოს პრემიერ-მინისტრის მრჩეველი საგარეო ურთიერთობათა საკითხებში თედო ჯაფარიძე დაესწრო.
გიორგი კვირიკაშვილი იაპონიის ახალ ელჩს საქართველოში ტადაჰარუ უეჰარას შეხვდა
2017/11/20 15:27:45
კომენტარები
ნანახია: 992 ჯერ