მე ვამბობ, რომ ძალოვანი სტრუქტურები მუშაობენ ინტენსიურად და ყველა ქვეყანაში, მათ შორის საქართველოში მათ საქმიანობას სჭირდება მხარდაჭერა, – ამ განცხადებით საპარლამენტო უმრავლესობის წევრი გია ვოლსკი ბერი გაბრიელ სალოსის ქუჩაზე მიმდინარე სპეცოპერაციას გამოეხმაურა.
ვოლსკი ამბობს, რომ წინასწარ კომენტარს არ გააკეთებს, რადგან თვლის, რომ აღნიშნულ თემაზე კომპეტენტური სტრუქტურები უკეთესად ისაუბრებენ დეტალებში.
„მე ვფიქრობ საზოგადოებასა და ორგანიზაციებს კიდევ ერთხელ უნდა შევახსენოთ, თუ რაოდენ მნიშვნელოვანია საზოგადოების მხრიდან შესაბამისი ძალოვანი სტრუქტურების მხარდაჭერა და მათ მიმართ სოლიდარობა, რომლებიც მუშაობენ ჩვენი უსაფრთხოებისათვის. მე ვამბობ, რომ ძალოვანი სტრუქტურები მუშაობენ ინტენსიურად და ყველა ქვეყანაში, მათ შორის საქართველოში მათ საქმიანობას სჭირდება მხარდაჭერა, როდესაც მსოფლიო ასეთი არასტაბილურია“,- აცხადებს ვოლსკი.