საქართველოს პრემიერ-მინისტრმა გიორგი კვირიკაშვილმა, შინაგან საქმეთა მინისტრმა გიორგი გახარიამ და სახელმწიფო უსაფრთხოების სამსახურის ხელმძღვანელმა ვახტანგ გომელაურმა ისანში მდებარე რეფერალურ ჰოსპიტალში მოთავსებული, დაჭრილი სამართალდამცავები მოინახულეს. ჰოსპიტალში იმყოფებოდა ასევე ჯანდაცვის მინისტრის მოადგილე ზაზა სოფრომაძე.
თბილისში, ბერი გაბრიელ სალოსის ქუჩაზე ჩატარებული სპეცოპერაციის შედეგად სახელმწიფო უსაფრთხოების სამსახურის ორი და შინაგან საქმეთა სამინისტროს განსაკუთრებულ დავალებათა დეპარტამენტის ორი თანამშრომელი დაიჭრა.
სახელმწიფო უსაფრთხოების სამსახურის ინფორმაციით, სპეცოპერაცია დაახლოებით, 18:00 საათისთვის დასრულდა.
კომენტარები