ბერი გაბრიელ სალოსის ქუჩაზე სპეცოპერაციის დროს დაღუპულ ვანო გოლოშვილს ხვალ მუხათგვერდის ძმათა სასაფლაოზე დაკრძალავენ. სამოქალაქო პანაშვიდი კი ხვალვე ქაშვეთის ეკლესიაში გაიმართება. დაღუპულ სპეცრაზმელს ტაძრიდან 14:00 საათზე გამოასვენებენ.
შეგახსენებთ, რომ 21-22 ნოემბერს, გაბრიელ სალოსის გამზირზე ჩატარებული სპეცოპერაციის შედეგად, დაიღუპა ერთი და დაიჭრა 4 სამართალდამცველი. დაჭრილთაგან ორი სუს-ის, ორი კი შსს-ს განსაკუთრებულ დავალებათა დეპარტამენტის თანამშრომელია. სპეცოპერაციის შედეგად, დანაშაულებრივი ჯგუფის 1 წევრი დაკავებულია, ხოლო 3 ლიკვიდირებული.
კომენტარები