შინაგან საქმეთა სამინისტროს დაცვის პოლიციის დეპარტამენტის თავმჯდომარემ, გიგა ნიკოლეიშვილმა, მოადგილეებთან ერთად, თბილისსა და შუახევში, დაღუპული თანამშრომლების ოჯახები მოინახულა და ახალი წელი მიულოცა.
გიგა ნიკოლეიშვილმა დაცვის პოლიციის დაღუპული თანამშრომლის – დავით ფირანიშვილის შვილს ტკბილეული და ფულადი დახმარება გადასცა. დავით ფირანიშვილი შინაგან საქმეთა სამინისტროს დაცვის პოლიციის ფულადი სახსრების, მოძრავი ტვირთებისა და ფიზიკურ პირთა დაცვის სამმართველოში მუშაობდა.
დაცვის პოლიციის ხელმძღვანელები შუახევში რამაზ ბერიძის ოჯახს ეწვივნენ, შობა-ახალი წელი მიულოცეს და საახალწლო საჩუქრები გადასცეს. დაცვის პოლიციის აჭარის სამმართველოს თანამშრომელი – რამაზ ბერიძე მიმდინარე წლის 21 ოქტომბერს, სამსახურებრივი მოვალეობის შესრულებისას გარდაიცვალა.
გიგა ნიკოლეიშვილმა შეზღუდული შესაძლებლობების მქონე თანამშრომელი – ზაზა თამაზაშვილი და მისი ოჯახიც მოინახულა, ახალი წელი მიულოცა, ტკბილეული და სხვადასხვა სამახსოვრო საჩუქარი გადასცა. ზაზა თამაზაშვილი შინაგან საქმეთა სამინისტროს დაცვის პოლიციის ფულადი სახსრების, მოძრავი ტვირთებისა და ფიზიკურ პირთა დაცვის სამმართველოში მუშაობდა. ის სამსახურებრივი მოვალეობის შესრულებისას ავტოავარიაში მოჰყვა და მძიმედ დაშავდა.
დაცვის პოლიციის დეპარტამენტის თავმჯდომარემ დაღუპული თანამშრომლების ოჯახებს ახალი წელი მიულოცა
2017/12/31 14:00:45
კომენტარები
ნანახია: 3200 ჯერ