თბილისსა და პანკისში ჩატარებული სპეცოპერაციების შედეგად დაკავებული ორი პირი ზურაბ გორნაკაშვილი და შოაიფ ბორზიევი თბილისის საქალაქო სასამართლომ პატიმრობაში დატოვა.
ადვოკატები გორნაკაშვილის 10 000 ლარიანი გირაოს სანაცვლოდ გათავისუფლებას, ხოლო დუდაევის აღკვეთის ღონისძიების გარეშე დატოვებას ითხოვდნენ.
ზურაბ გორნაკაშვილი სამართალდამცავებმა 26 დეკემბერს თბილისში დააკავეს. ის არაერთხელ იმყოფებიდა დაკითხვაზე და საქმეზე ჩვენებაც აქვს მიცემული.
დუდაევი იგივე ბორზიევი, რომელიც რუსეთის მოქალაქეა და ინტერპოლის წითელი ცირკულარით ტერორიზმის ბრალდებით იძებნებოდა, სპეცოპერაციის წინა დღეს დააკავეს.
ორივე მათგანი დუმილის უფლებას იყენებს და ბრალს არ აღიარებს. საქმეზე წინასასამართლო სხდომა 22 თებერვალს ჩაინიშნა.
კომენტარები