ფინანსთა სამინისტროს შემოსავლების სამსახურის ინფორმაციით, სარფში 11 664 ლარის ღირებულების არადეკლარირებული საქონელი აღმოაჩინეს.
”24 დეკემბერს, საბაჟო გამშვებ პუნქტში „სარფი“, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, თურქეთის რესპუბლიკის მხრიდან მომავალი, საქართველოს მოქალაქის, გ.ც-ს მართვის ქვეშ არსებული ავტომობილის დათვალიერებისას, არადეკლარირებული საქონელი, კერძოდ, ხმოვანი სასიგნალო იარაღი – 20 ცალი, პნევმატური იარაღი – 20 ცალი, სანადირო ცეცხლსასროლი იარაღი – 3 ცალი, ხმოვანი ვაზნა – 12,500 ცალი, პიროტექნიკური ვაზნა – 400 ცალი, სანადირო ელექტრონული ხმოვანი სატყუარა – 16 ცალი, პნევმატური იარაღის სამიზნე – 18 ცალი, იარაღის ღვედის სამაგრი კროშტეინი – 24 ცალი, ქანჩის ექვსკუთხა გასაღები – 2 ცალი, იარაღის ჩამკეტი – 10 ცალი, სასხლეტი მექანიზმის ნაწილი – 11 ცალი, სანადირო იარაღის ლულის დამაგრძელებელი – 5 ცალი და 4 ცალი კონდახი აღმოაჩინეს. საქონლის საერთო საბაჟო ღირებულებამ 11,664.4 ლარი შეადგინა.
საქმის მასალები, შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურის აჭარისა და გურიის სამმართველოს გადაეცა”, – ნათქვამია შემოსავლების სამსახურის განცხადებაში.