ხობის რაიონის სოფელ ხამისკურში მომხდარი ავტოსაგზაო შემთხვევის შედეგად დაშავებული სამართალდამცველი მართვით სუნთქვაზე რჩება და მისი მდგომარეობა კვლავ მძიმეა.
დაშავებული ზუგდიდის რეფერალურ ჰოსპიტალში მრავლობითი დაზიანებებით, მათ შორის, ქალა- ტვინის ტრამვით, ქალა ფუძის მოტეხილობით, გულმკერის დახურული ტრამვითა და ნეკნების მრავლობითი მოტეხილობით შეიყვანეს. ავარიის შედეგად საავადმყოფოში მკურნალობას კიდევ ოთხი პაციენტი აგრძელებს. მედიკოსების ინფორმაციით, მათი ჯანმრთელობის მდგომარეობა სტაბილურია.
გუშინ მომხდარი ავარიის შედეგად დაზიანებულ მანქანაში, შსს-ს განსაკუთრებულ დავალებათა დეპარტამენტის სამმართველოს ექვსი თანამშრომელი იმყოფებოდა, მათგან ერთი საავადმყოფოში შეყვანიდან რამდენიმე წუთში გარდაიცვალა. აღნიშნულთან დაკავშირებით გამოძიება სისხლის სამართლის კოდექსის 276-ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც სიცოცხლის მოსპობა გამოიწვია. შემთხვევას საქართველოს პროკურატურა იძიებს.