31 წლის ქართველი ექემი დავით კანდელაკი მეგობართან ერთად კენკუტუს შტატის ქალაქ ლუისვილში, მოკლული იპოვეს. ცხედრები რაისის საცხოვრებელ სახლში იპოვეს. ორივე მათგანი ცეცხლასასროლი იარაღიდან არის მოკლული. შემთხვევა 18 იანვარს მოხდა.
კანდელაკის გაუჩინარების შესახებ მისმა მეუღლემ განაცხადა. ქალი პოლიციას მას შემდეგ დაუკავშირდა, რაც მეუღლე ფლორიდის შტატში, ქალაქ მაიამიში წინასწარ დაგეგმილ ადგილას არ შეხვდა.
დავით კანდელაკმა ქუთაისში ქუთაისის სერგეი მესხის სახელობის ჟურნალისტიკის კერძო სკოლა-ლიცეუმი დაამთავრა. მოგვიანებით კი პროფესიად ექიმობა აირჩია.
მეგობრების ინფორმაციით დავით კანდელაკი 15 წელია, რაც ამირაკაში ცხოვრობდა. ერთი წლის წინ მიიღო ექიმის ლიცენზია და საქართველოშიც აპირებდა მოღვაწეობას. ამის შესახებ ,,პრაიმტაიმს” დავინ კანდელაკის კლასელებმა განუცხადეს.
ნინო იობიძე: ,,დათო და მე, სერგეი მესხის სახელობის ჟურნალისტიკის ლიცეუმში ვსწავლბდით. საოცრად ნიჭიერი, მიზანდასახული, პატრიოტი ადამიანი იყო. სრულიად მარტომ თავისი შრომით და მონდომებით გაიკვალა გზა ამერიკაში. ჟურნალისტობა უნდოდა და გაგვიკვირდა სამედიცინო სფეროს რომ გაყვა. ამ აფეროშიც დიდ წარმატებას მიაღწია. ხშირად საუბრობდა როგორ უნდა გამოეყენებინა თავისი ცოდნა საქართველოში. “წელიწადში ერთხელ მაინც ჩამოვალ და ვიმუშავებ ქართველ პაციენტებთანო”. ძალიან ბევრი გეგმა და ოცნება ჰქონდა. როცა მიზანს მიაღწია და ექიმის ლიცენზია მიიღო აღარ დასცალდა სამწუხაროდ”.
მარი ალავიძე: ,,არც კი ვიცი რა უნდა გითხრათ, განადგურებულები ვართ. ჟურნალისტიკის ლიცეუმი დავამთავრეთ ერთად. საოცრად დადებითი და მიზანდასახული ადამიანი იყო. გაგვანადგურა ამ ამბავმა. იშვიათად ჩამოდიოდა მაგრამ აუცილებლად გვეხმიანებოდა. ერთ-ერთი შეკრების დროს ექსკურსიაზე ვიყავით. საოცარი დედა და საოცარი მეუღლე ნატალია დარჩა, რომელიც იშვიათი სისპეტაკის და სილამაზის ადამიანია, შვილებზე კი ძალიან მიჭირს საუბარი. მკვლელობის მიზეზები ალბათ გაირკვევა, მაგრამ შედეგს ვერ შეგვიცვლის. დავკარგეთ მეგობარი, რომელსაც ვერაფერი დაგვავიწყებს. ოდესღაც, დათოც ჟურნალისტობაზე ოცნებობდა, მისი გადაწყვეტილება ნამდვილად მოულოდნელი იყო. ზოგადად მაქსიმალური ადამიანი იყო, რომელსაც სტანდარტები არ აკმაყოფილებდა. მიზანს ნამდვილად მიღწია, ისე რომ საამაყო და სასახელო ადამიანი იყო”.
www.primetime.ge