პოლიტიკოს გია მაისაშვილს ამერიკიდან საქართველოში ხვალ, გამთენიისას ჩამოასვენებენ, მისი დაკრძალვა კი 6 მარტს გაიმართება.
გია მაისაშვილს სიონის საკათედრო ტაძარში დაასვენებენ, სადაც ხვალ და ზეგ სამოქალაქო პანაშვიდი გაიმართება. მაისაშვილის ცხედარს სიონიდან 6 მარტს, 15:00 საათზე გამოასვენებენ და წმინდა ნიკოლოზის ტაძრის ეზოში, (ხეთაგურის ქ. N 7) დაკრძალავენ.
პოლიტიკოსი და ლიდერთა სკოლის დამფუძნებელი გია მაისაშვილი 26 თებერვალს ამერიკის შეერთებულ შტატებში, 56 წლის ასაკში გარდაიცვალა. მაისაშვილი ბოლო რამდენიმე წელია მძიმე სენს ებრძოდა. მას თავის ტვინის სიმსივნის დიაგნოზი 2015 წელს დაუსვეს.
გია მაისაშვილი ბოლო წლებში ამერიკის შეერთებულ შტატებში იმყოფებოდა, სადაც მკურნალობის კურსს გადიოდა.
კომენტარები