დაამთავრა უკრაინაში პოლიტიკური აქტივობა და საქართველოზე გადმოერთო? – ასე ეხმაურება დიპლომატი მამუკა გამყრელიძე ფეისბუქის საკუთარ გვერდზე მიხეილ სააკაშვილის ვიდეომიმართვას.
“სააკაშვილის მიმართვას მოვუსმინე და ვერ მივხვდი რა მიზანს ემსახურებოდა და ვიზე იყო გათვლილი. მას ჩემზე უკეთ მოეხსენება, რომ ოპოზიციის გაერთიანება ვანი-ხონის არჩევნებზე ვეღარ მოხდება. სავარაუდოდ არც საპრეზიდენტოზე იქნება შესაძლებელი. ვაშაძემ ზუსტად გააკეთა ოპოზიციური ველის დიფერენცირება სამად: გაყიდულები, პასიურები და მებრძოლები. როგორც ჩანს ოპოზიციის პასიური ნაწილი ყველაზე მრავალრიცხოვანია. თუ მთლიანად ასეთი არ არის იშვიათი გამონაკლისების გარდა. იმ გამონაკლისებს კი სხვადასხვა მიზეზები უშლის გაერთიანებაში ხელს. ამ მიზეზებზე არ დავკონკრეტდები.
ჰოდა, რა უნდოდა სააკაშვილს რომ ეთქვა? დაამთავრა უკრაინაში პოლიტიკური აქტივობა და საქართველოზე გადმოერთო? რატომ? იმიტომ, რომ უკრაინაში ვეღარ შედის? საქართველოშიც ხომ ვეღარ შემოდის.
ყოველგვარი ირონიის ან ნიშნის მოგების გარეშე ვამბობ, მართლა ვერაფერს მივხვდი…“, – წერს მამუკა გამყრელიძე.