დედაქალაქის მოსახლეობას 23-დან 26 მაისის ჩათვლით შეეძლება საქართველოს დამოუკიდებლობის 100 წლის იუბილესთან დაკავშირებით შექმნილი „მეტრომანი“ ყოველგვარი გადასახადის გარეშე უფასოდ მიიღოს, – ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.
კახა კალაძემ მთავრობის სხდომაზე ქალაქში არსებული საზოგადოებრივი ტრანსპორტის განახლებაზეც ისაუბრა და აღნიშნა, რომ მეტროს ახალი ვაგონები რომელთა რეაბილიტაციაც გუშინ დასრულდა საბურთალოს ხაზზე მოემსახურება მგზავრებს.
„ჩვენ ნათქვამი გვაქვს, რომ ტრანსპორტი აუცილებლად უნდა მოწესრიგდეს. საზოგადოებრივი ტრანსპორტის პრობლემა არსებობს. ჩვენ ყვითელი ავტობუსების ჩანაცვლება გვაქვს დაანონსებული ახალი, ეკოლოგიურად სუფთა ევროპული ტიპის ავტობუსებით, ასევე გვსურს მეტროს ვაგონების რეაბილიტაცია. გუშინ ჩვენ დავამთავრეთ ორი შემადგენლობის სარეაბილიტაციო სამუშაოები. 6 ერთეული ვაგონი ივლის საბურთალოს ხაზზე, ეს ვაგონები არის თანამედროვე ტექნოლოგიებით აღჭურვილი. თუმცა ჩვენ ამაზე არ უნდა გავჩერდეთ და გავარგრძელოთ მუშაობა.
„მეტრომანი“, რომელიც შექმნილია სპეციალურად 100 წლის იუბილესთან დაკავშირებით, 23-დან 26 მაისის ჩათვლით, დედაქალაქის მოსახლეობა, ვისაც სურვილი აქვს, უფასოდ მიიღებს.
გამოცხადებული გვქნდა კონკურსი და კონკურსში გამარჯვებულია რეზო მელიქიშვილი“, -განაცხადა კახა კალაძემ.