საქართველოს აზერბაიჯანელთა კონგრესის თავმჯდომარე ალი ბაბაევი, მედიაჰოლდინგ „კვირას“ პრესკლუბში სტუმრობისას, პარტია ქართული ოცნები თავმჯდომარის, ბიძინა ივანიშვილის პოლიტიკაში დაბრუნებას ერთმნიშვნელოვნად დადებითად აფასებს და იმედოვნებს, რომ მისი დაბრუნებით პარტიას ბევრი ერთგული წევრი დაუბრუნდება.
“მე გახლდით პირველი სხვა ეროვნების მოქალაქე, რომელიც ბატონ ბიძინას პოლიტიკაში გამოჩენისთანავე გვერდით დაუდგა, მან ამირჩია, როგორც სათათბიროს, ასევე პოლიტსაბჭოს წევრად და პარტიის დამფუძნებლად. მისი წასვლის შემდეგ კი, ე.წ. პორტირებულებმა სწორედ ის ხალხი ჩამოგვაშორეს პარტიას, ვინც რეჟიმთან თითქმის ათწლიანი ბრძოლა გამარჯვებით დავაგვირგვინეთ. მისი დაბრუნება იმედს მაძლევს, რომ ყველა ის ადამიანი, რომელსაც სამშობლოს კეთილდღეობა და წინსვლა სურდა, კვლავ დავუბრუნდებით „ქართულ ოცნებას”, ბატონი ბიძინას თაოსნობით კვლავაც დავდებთ იმ შედეგს, რომელიც 2012 წლის 2 ოქტომბერს დავდეთ”, – განაცხადა ბაბაევმა.