მოქალაქეებმა საკუთარი შვილები უნდა დაარწმუნონ, რომ გამოძიებასთან ითანამშრომლონ,– ამის შესახებ საპარლამენტო უმრავლესობის წევრმა მამუკა მდინარაძემ “იმედის” ეთერში განაცხადა.
მდინარაძის შეფასებით, მხოლოდ საგამოძიებო ორგანოებზე ხელის შეწმენდვა არაა სწორი.
“ხორავას ქუჩაზე მოზარდების მკვლელობის საქმის გამოძიებისას მნიშვნელოვანი პასუხიმგებლობა ეკისრებათ იმ თვითმხილველებს, რომლებიც ამ დრომდე დუმილის უფლებას იყენებენ და გამოძიებას მომხდარის დეტალებს არ უყვებიან. სამოქალაქო პასუხისმგებლობა უნდა აიღოს ყველამ. მხოლოდ საგამოძიებო ორგანოებზე ხელის შეწმენდვა არაა სწორი. მოქალაქეებმა საკუთარი შვილები უნდა დაარწმუნონ, რომ ხვალინდელი დღე ამაზეა დამოკიდებული. ბოდიში ჟარგონისთვის, მაგრამ აქ „ძველბიჭობა“ არაა საჭირო.
მაყურებელმა არ იცის, რა ხდება სინამდვილეში ამ საქმის ირგვლივ, ფორმალური თვალსაზრისით. აღძრულია სისხლის სამართლის არა ერთი, არამედ რამდენიმე საქმე. ერთია მკვლელობის საქმე, რომელშიც ორ პირს ედებოდა ბრალი და განაჩენი უკვე დადგა, არის კიდევ მეორე საქმე, სადაც 5 პირია პასუხისგებაში მიცემული დანაშაულის დაფარვისა და შეუტყობინებლობისთვის და არის კიდევ ორი საქმე, რომელიც რამდენიმე თვის წინ გამოეყო ამ საქმეს და ის დანაშაულის დაფარვას, შეუტყობინებლობასა და მოწმეებზე ზეწოლისთვისაა აღძრული. ეს საქმე ახლაც მიმდინარეობს“ – თქვა „ქრონიკასთან“ საუბრისას მდინარაძემ.