ჟურნალისტი და საინფორმაციო სააგენტო “ექსკლუზივ ნიუსის” რედაქტორი დარეჯან ლიპარტელიანი, სოციალურ ქსელში სულხან მოლაშვილზე სტატუსს აქვეყნებს და 2000 წელს, მასთან ჩაწერილ ინტერვიუს იხსენებს.
“ინტერვიუ, რომელიც ჩავწერე სულხანთან, სწორედ ეს ფოტო გამოვიყენე.. გაზეთ “ახალი თაობა”-სთან ინტერვიუში… 2000 წელი იყო… ჩემმა კოლეგამ და მეგობარმა გიორგი უძილაურმა შემახვედრა ბატონ სულხანს… საკმაოდ სერიოზული მასალები მომაწოდა ე.წ. “რეფორმატორების” საქმიანობის შესახებ… ერთ-ერთი “რეფორმატორი” და ლიდერი მაშინ მიხეილ სააკაშვილი იყო…. ინტერვიუს დასრულებისთანავე, ბოლოს, როცა დავემშვიდობე, კარგად მახსოვს მისი სიტყვები… “ღმერთმა დაიფაროს დარეჯან, ოდესმე ეს ჯგუფი რომ მოვიდეს ხელისუფლებაში, თორემ დაბეჯითებით ვიცი, რომ ქვეყანას მიწასთან გაასწორებენო” … ამასვე აცხადებდა ის საჯაროდ ინტერვიუშიც…
ამ სურათზე ჩანს კიდეც, ის ბედნიერია, კონტროლის პალატის თავმჯდომარე გახლდათ, ბედნიერი მამა და ბედნიერი ქართველი კაცი იყო… სწორედ ასეთი მინდა დამამახსოვრდეს სულხანი და არა ისეთი, როგორიც მიდის ამ ქვეყნიდან, მიშას ჯალათებისგან ნაწამები და სულიერად დასახიჩრებული სულხან მოლაშვილი!!!
მსუბუქი იყოს შენთვის დაყრილი სამშობლოს მიწა და უფალმა დაგიმკვიდროს მუდმივი სასუფეველი, ამინ!!!”-წერს დარეჯან ლიპარტელიანი.