ირანის რევოლუციური გვარდიის გარდაცვლილი მეთაურის, გენერალ ყასემ სოლეიმანის ძმისშვილი და შვილიშვილი დააკავეს. ამის შესახებ აშშ-ის სახელმწიფო დეპარტამენტმა განაცხადა.
„ჰამიდე სოლეიმანი აფშარს და მის ქალიშვილს აშშ-ში კანონიერად მუდმივი ბინადრობის სტატუსი სახელმწიფო მდივანმა, მარკო რუბიომ შეუწყვიტა“, – ნათქვამია გავრცელებულ განცხადებაში.
სოციალურ ქსელში გამოქვეყნებულ პოსტში რუბიომ აღნიშნა, რომ ორივე ქალი ამჟამად აშშ-ის იმიგრაციისა და საბაჟო სამსახურს ჰყავს დაკავებული.
გენერალი სოლეიმანი 2020 წელს ერაყში აშშ-ის ავიაიერიშის შედეგად დაიღუპა. ოპერაცია მაშინდელი პრეზიდენტის, დონალდ ტრამპის ბრძანებით განხორციელდა.
სოლეიმანი ხელმძღვანელობდა ირანის სამხედრო ოპერაციებს ახლო აღმოსავლეთში, როგორც „ყუდსის ძალების“ მეთაური.
კომენტარები