გოგი თოფაძე არჩილ გეგეშიძეზე: იმიტომ არ არის იქ ელჩად, რომ ასეთი განცხადებები გააკეთოს

გოგი თოფაძემ აშშ-ში საქართველოს ელჩი არჩილ გეგეშიძე მის მიერ გაკეთებული განცხადების გამო გააკრიტიკა.
როგორც დეპუტატმა პორტალ „კვირას“ პრესკლუბში განაცხადა, გეგეშიძე აშშ-ში ელჩად იმიტომ არ არის გაგზავნილი, რომ მსგავსი შინაარსის არაობიექტური განცხადებები გააკეთოს.
„თუ ასე სვამს საკითხს, მაშინ მას ვკითხოთ, არიან თუ არა პროამერიკული ძალები საქართველოში. თუ ის ელჩად ზის იქ და არ იცის, აქ რა ხდება, რამდენად ფინანსდებიან აშშ-დან არასამთავრობოები და პოლიტიკური პარტიები, უნდა იცოდეს ელჩმა, თუ არადა, ჩამოვიდეს და იცხოვროს საქართველოში. იმიტომ არ არის იქ ელჩად გაგზავნილი, რომ ასეთი არაობიექტური განცხადებები გააკეთოს.
როდესაც ლაპარაკობს იმაზე, რომ არსებობს პრორუსული ძალები, არ ვიცი, ვის გულისხმობს, მაშინ ისიც თქვას, რამდენი პროამერიკული ძალაა საქართველოში, რომელთა რჩევითაც ამ ხნის განმავლობაში ვცხოვრობდით და რა დაგვემართა ჩვენ, ამაზე ილაპარაკოს, ჯობია, ან ჩამოვიდეს და იცხოვროს საქართველოში“,- განაცხადა თოფაძემ.
შეგახსენებთ, რომ აშშ-ში საქართველოს ელჩმა არჩილ გეგეშიძემ განაცხადა, რომ საქართველოში პროპრუსული ძალები არსებობენ, რაც აშშ-დან მისი გამოწვევის მიზეზი გახდა.