ყაზბეგის მუნიციპალიტეტის სოფელ კობში, სასაფლაოს მიმდებარე ტერიტორიაზე, მოქალაქის შეტყობინების საფუძველზე, სამართალდამცველებმა ხელყუმბარა აღმოაჩინეს. ამის შესახებ 1tv წერს.
„აღმოჩენილი საბრძოლო მასალა დაილუქა და ექსპერტიზაზე გადაიგზავნა“, – აცხადებენ შსს-ში.
ამასთან, საქართველოს შინაგან საქმეთა სამინისტროში განმარტავენ, რომ გავრცელებული ინფორმაცია, თითქოს ტერიტორიაზე აღმართული იყო ე.წ. სამხრეთ ოსეთის დროშა, სიმართლეს არ შეესაბამება.
შსს-ს ინფორმაციით, გამოძიება მიმდინარეობს საქართველოს სისხლის სამართლის კოდექსის 18-108-ე და 236-ე მუხლებით, რაც გულისხმობს მკვლელობის მომზადებას და ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვას.
კომენტარები