ახმეტის სოფლებში სტიქიის შედეგად დაზარალებულმა ფერმერებმა დაზიანებული ყურძნის კრეფა დილიდან დაიწყეს. მოსავალის ნაწილი ღვინის ქარხანამ ჩაიბარა.
1 კგ რქაწითელი 50 თეთრი ღირს. კომპანია დაზიანებულ ყურძენს სპირტისთვის გამოიყენებს. გადაწყვეტილება გუშინ საგანგებო შტაბის სხდომაზე მიიღეს.
სტიქიის შედეგად ახმეტის რაიონის სამ სოფელში: ქისტაურში, ახშანსა და მატანში თითქმის სრულად განადგურდა ყურძნის მოსავალი. ამასთან, სტიქიამ დააზარალა თელავის მიმდებარე სოფლები: შალაური, კისისხევი და ნასამხრალიც.
კომენტარები