დღეს “ბათუმობა 2018” აღინიშნება

დღეს “ბათუმობა 2018” აღინიშნება. დღესასწაულთან დაკავშირებით ბათუმის ძველ უბნებში მე-19 საუკუნის ბათუმი გაცოცხლდება. წარმოდგენილი იქნება კოსტიუმირებული სანახაობები, ასევე ხელნაკეთი ნივთების გამოფენა. მისივე ინფორმაციით, ქალაქის მასშტაბით სხვადასხვა ღონისძიება გაიმართება. დღის ბოლოს “ბათუმობა 2018” პიაცაზე გალა -კონცერტით დასრულდება.
“ბათუმობას“ ვულოცავ ყველას. მერიის სამსახურების წარმომადგენლებთან ერთად ქალაქის ქუჩებში მსვლელობა მიმდინარეობს, რათა ვაჩვენოთ ყველას თუ რამდენი ადამიანი ემსახურება ყოველდღიურად ქალაქის კეთილდღეობას. აქედან გადავინაცვლებთ სასტუმრო “ჰილტონში” და უკრაინის ქალაქ უმენთან ურთიერთთანამშრომლობის მემორანდუმს გავაფორმებთ, შემდეგ გაიმართება საპატიო ბათუმელების დაჯილდოება და გადავინაცვლებთ ქალაქის ძველ უბნებში, სადაც მე-19 საუკუნის ბათუმის იმიტირება მოხდება. 130 წლის წინანდელ ბათუმს გავაცოცხლებთ. ვფიქრობთ, რომ ამით ძალიან დიდ სიამოვნებას მივანიჭებთ ქალაქელებს. 20:00 საათზე, პიაცაზე დამაგვირგვინებელი კონცერტი გვექნება”,- განაცხადა ლაშა კომახიძემ.